انطلق الشاعر سلطان بن مضحي الضوي بقصيده ، اثناء تكريم العميد عقاب بن ضيف الله البختان وسط اجواء جماهريه وحشد ضخم جمع العديد من الشيوخ والشعراء والإعلاميين والأدباء والمثقفين، ومحبي الشعر الفصيح ومتذوقيه ، واستهلت القصيده بكلماتها وابهرت الجميع عندما قال
انته ولد شايب له المجد مجلاس رحل لكن طيبه بربعه يدومي
مقدار ضيف الله ترا ماله إقياس قدره تعلى وعتلا للنجومي
ابدع بقصيدته ويترجمها بكل الأحوال بحكمته ونظريته ويقصد فيها بالانتماء والفخر والاعتزاز بالجذور الأصيلة المستمدة من الآباء والاجداد ورصيده رجل ويقصد فيها والد المحتفى به ضيف الله البختان رحمه الله حيث كانت نظرته الحكيمه لكل الامور , فلقد كان رجل حكيما وواقعيا وتاريخ في قلبه كل الأمور الطيبه رحمه الله وهذه القصيده والأبيات درر ينتفع بها الجيل حيث يأخذ منها الحكم . رجل ينشد فيه الظهر ويقصد بها والد العميد عقاب بن ضيف الله البختان
كما عبر الشاعر سلطان بن مضحي الضوي عن شكره وتقديره لكافة أعضاء صحيفة أخباركم ونادي تواصل الإعلامي على جهودهم في إنجاح وتغطية حفل قبيلة اسرة الحسن من الضواوية من قبيلة عنزه كما ثمن صحيفة اخباركم برعايتها الإعلامية لهذه المناسبة الغالية على قلوبنا متمنياً للجميع التوفيق
ومنها الأبيات التالية:
يالراجحي لو يعلن البنك الافلاس
رصيدي اللي فيك شبه امعدومي
انا رصيدي رجل مايعرف الياس
والياس مايلحق قوي العزومي
اقرب من اللي يوم دقن الاجراس
قال ابشر ابشر واحتزم ومخدومي
ياعقاب وقفاتك تسولف بها الناس
ويدينك الثنتين للعز تومي
الفعل شوف العين والمجد نوماس
نوماس نحكل به عيون الرخومي
وشلون مفخر فيك ياطير قرناس
وانته عميد ودون ربعك قدومي
انته ولد شايب له المجد مجلاس
رحل لكن طيبه بربعه يدومي
مقدار ضيف الله ترا ماله. إقياس
قدره تعلى وعتلا للنجومي
يمشي على مبدا ويمشي على ساس
وبيرقه في عالي طويل الرجومي
من جاه في حاجه وضايق وبه باس
لاراح يضحك مايعرف الهمومي
ياجعل ربي يرحم ابعيد الارماس
اللي مواقيفه لنا شبه يومي
وعقاب مثل ابوه ياحي هالراس
على المواقف الكبيره يرومي
حفله عليه ارياق الاخصام يباس
قامت تسابق له اكبار القرومي
امكرمينه الحسن طيب الساس
اهل الوفا والطيب واهل السلومي
حمول خيول امتعبةً قب الافراس
ومن طاح فيديهم ترا مايقومي
لو هو نخاهم في معاركه جساس
ماراح من حرب البسوس إمهزمي
روسن تروس الروس ماهي بتنراس
ضواويه والروس فوق الغيومي
الاوله جتهم عقب شق الانفاس
ماجتهم الاولى بحب الخشومي
ماهي سوالف تنكتب فوق قرطاس
الا فعولٍ وقعها بالخصومي
