قصيدة ترحيبية للشاعر عابد الثبيتي العتيبي .. بمناسبة شفاء اللواء الركن أحمد الفيفي
بالسلام ورحمة الله وبركاته نبدا
نبتدي بالقاف وجزال القوافي تهدا
وزال ما ارضينا رجال المعرفه مانهدا
الشعر وقت المواقف حاسبين حسابه
ياهلا يامرحبا يابو طلال الفيفي
اللواء احمد والمعرّف مايبي تعريفي
انت من قوم فعلها مثل حد السيفي
عزوة وقت المواقف نارها شبابه
مرحبا باسم خويانا والوفا تحريبه
اخويانا كل أبوهم قوم عز وهيبه
قالو الياقمت رحب ياسفير عتيبه
هم كفوو ونا كفو ماقف وكفوو الابه
في سلامتك احتفلنا والله اللي عالم
انه أسعد يوم يوم إنا نشوفك سالم
انت من طيبك ملكت قلوب كل العالم
الوفا والطيب من فضل الولي تحضابه
يا خوياً لك قدر في عالي المشرافي
لونرحب فيك طول الليل ماهو كافي
والوفا حقٍ من الوافين لجل الوافي
وانت راعي للمواقف كلها الغصابه
سيرتك عز وشرف مثل العلم محموله
خادم لدينك وخادم للملك والدوله
والرجل يعرف ليا قيل ونعم بفعوله
وانت قائد ينحسب وقت اللزوم حسابه
الله يعز الوطن تضفي علينا انعامه
في ذرى الله ثم ننعم في ذرى حكامه
والملك ولي عهده عزوته وحزامه
والوطن نفدا آلوطن ونموت دون ترابه
